മധ്യപ്രദേശിൽ ദളിത് വിദ്യാർത്ഥിയെ മർദ്ദിച്ച സംഭവം: മനുഷ്യാവകാശ കമ്മീഷൻ നോട്ടീസ്

മധ്യപ്രദേശിലെ ശിവപുരിയിൽ നാലാം ക്ലാസ് ദളിത് വിദ്യാർത്ഥിയെ അധ്യാപകൻ മർദ്ദിക്കുകയും ജാതിപ്പേര് വിളിച്ച് അധിക്ഷേപിക്കുകയും ചെയ്ത സംഭവത്തിൽ ദേശീയ മനുഷ്യാവകാശ കമ്മീഷൻ കേസെടുത്തു. സംസ്ഥാന ചീഫ് സെക്രട്ടറിയോടും ശിവപുരി പോലീസ് സൂപ്രണ്ടിനോടും രണ്ടാഴ്ചയ്ക്കകം റിപ്പോർട്ട് സമർപ്പിക്കാൻ കമ്മീഷൻ നിർദ്ദേശിച്ചു. ജൂലൈ 28 ന് സർക്കാർ സ്കൂളിലാണ് സംഭവം നടന്നത്. കുട്ടിയുടെ പരാതിയെ തുടർന്ന് വിഷയത്തിൽ അടിയന്തര ഇടപെടൽ നടത്തണമെന്ന് കമ്മീഷൻ അധികൃതരോട് ആവശ്യപ്പെട്ടു.