ஹார்முஸ் நீரிணையை அமெரிக்க பிராந்தியமாக அறிவிப்பேன் என டிரம்ப் சூளுரை

சுருக்கமான செய்திகள்

ஈரானுடனான மோதல் தீவிரமடைந்துள்ள சூழலில் மூலோபாய முக்கியத்துவம் வாய்ந்த ஹார்முஸ் நீரிணையை அமெரிக்காவின் பிராந்தியமாக விரைவில் அறிவிப்பேன் என அதிபர் டொனால்ட் டிரம்ப் வெள்ளிக்கிழமை தெரிவித்தார். பொதுக்கூட்டம் ஒன்றில் பேசிய டிரம்ப் இதனை எவ்வாறு செயல்படுத்தப்போகிறார் என்பது குறித்து விளக்கமளிக்கவில்லை. உலகின் எண்ணெய் மற்றும் எரிவாயு தேவையில் ஐந்தில் ஒரு பங்கு இந்த நீரிணை வழியாகவே செல்வது குறிப்பிடத்தக்கது. இந்த நீரிணை மீது முழுமையான கட்டுப்பாடு உள்ளது என்ற அவரது கருத்தை தொடர்ந்து இந்த அறிவிப்பு வெளியாகியுள்ளது.

அமெரிக்காவின் இந்த மிரட்டலை ஈரான் உடனடியாக நிராகரித்தது. எக்ஸ் தளத்தில் பதிவிட்டுள்ள அந்நாட்டு துணை வெளியுறவுத்துறை அமைச்சர் காசெம் கரிபாபாடி இந்த நீரிணை ஈரானின் கட்டுப்பாட்டிலேயே இருக்கும் என்றும் ஈரானின் கட்டளைப்படியே இது திறக்கப்படும் மற்றும் மூடப்படும் என்றும் குறிப்பிட்டார். இதனிடையே வியாழக்கிழமை ஹார்முஸ் நீரிணை வழியாக சென்ற ஏடிஎன்ஓசி நிறுவனத்தின் இரண்டு கப்பல்கள் மீது ட்ரோன் தாக்குதல் நடத்தப்பட்டது. இதில் லேசான சேதம் ஏற்பட்ட நிலையில் ஐக்கிய அரபு அமீரகம் ஈரானின் மீது கடல் கொள்ளை குற்றம் சாட்டியுள்ளது.