પ્રોજેરિયા સામે ઝઝૂમનાર બેલ્જિયન કન્ટેન્ટ ક્રિએટર મિશેલ વેન્ડેવીર્ટનું ૨૮ વર્ષે નિધન

દુર્લભ આનુવંશિક બીમારી પ્રોજેરિયાથી પીડાતા બેલ્જિયન કન્ટેન્ટ ક્રિએટર મિશેલ વેન્ડેવીર્ટનું ૨૮ વર્ષની વયે અવસાન થયું છે. તેમના પરિવારે આ દુઃખદ સમાચારની પુષ્ટિ કરી છે. મિશેલે સોશિયલ મીડિયા પર પોતાના જીવનના સંઘર્ષની વાતો શેર કરીને લોકોને પ્રેરણા આપી હતી. બાળપણમાં ડોક્ટરોએ એવી આશંકા વ્યક્ત કરી હતી કે તેઓ માત્ર ૧૨ વર્ષ સુધી જીવી શકશે પરંતુ તેમણે તમામ અવરોધોને પાર કરી જીવનને ઉત્સાહથી જીવ્યું હતું. તેઓ પ્રોજેરિયા સાથે જીવનાર વિશ્વના સૌથી વૃદ્ધ વ્યક્તિઓ પૈકીના એક હતા.