ઓડિશામાં ઈ-સ્કૂટરની બેટરી ફાટી, બે વાહનો આગમાં ભસ્મીભૂત

ઓડિશાના બાલાસોર જિલ્લાના બડાખુરી ગામમાં બુધવારે સવારે ચાર્જિંગમાં મુકેલા ઈ-સ્કૂટરની બેટરી અચાનક ફાટતા આગ લાગી હતી. આ અકસ્માતમાં ઈ-સ્કૂટર અને નજીકમાં પાર્ક કરેલું પેટ્રોલ સ્કૂટર સંપૂર્ણપણે બળીને ખાખ થઈ ગયા હતા. આગને કારણે ઘરવખરીને પણ નુકસાન થયું છે. સદનસીબે, ઘરમાં હાજર પરિવારના ત્રણેય સભ્યો આ દુર્ઘટનામાં સુરક્ષિત રીતે બચવા પામ્યા હતા. ઘટનાને પગલે આસપાસના વિસ્તારમાં ગભરાટ ફેલાયો હતો.