സിറിയയിൽ മിനി ബസിൽ ബോംബ് സ്ഫോടനം: രണ്ടു മരണം, 13 പേർക്ക് പരിക്ക്

ഡമാസ്കസിന് സമീപമുള്ള ജറമാനയിൽ വ്യാഴാഴ്ച ഉണ്ടായ മിനി ബസ് സ്ഫോടനത്തിൽ രണ്ടുപേർ കൊല്ലപ്പെട്ടു. 13 പേർക്ക് പരിക്കേറ്റതായും സിറിയൻ ആരോഗ്യ മന്ത്രാലയം അറിയിച്ചു. തിരക്കേറിയ തെരുവിലാണ് സ്ഫോടനം നടന്നത്. സ്ഫോടനത്തിൽ ബസിന്റെ മുകൾഭാഗം തകരുകയും റോഡിൽ അവശിഷ്ടങ്ങൾ ചിതറുകയും ചെയ്തു. സ്ഫോടനത്തിന് പിന്നിലുള്ളവരെക്കുറിച്ച് ഔദ്യോഗികമായി കൂടുതൽ വിവരങ്ങൾ ലഭ്യമായിട്ടില്ല.