മോദിയുടെ വിദേശനയത്തെ പരിഹസിച്ച് രാഹുൽ ഗാന്ധി: ദില്ലിയിൽ കോൺഗ്രസ് സമ്മേളനം

ദില്ലിയിൽ നടന്ന കോൺഗ്രസ് സമ്മേളനത്തിനിടെ പ്രധാനമന്ത്രി നരേന്ദ്ര മോദിയുടെ വിദേശനയത്തെ രൂക്ഷമായി വിമർശിച്ച് രാഹുൽ ഗാന്ധി. കെട്ടിപ്പിടിക്കുന്നത് മാത്രമാണോ വിദേശനയമെന്ന് അദ്ദേഹം പരിഹസിച്ചു. വേദിയിൽ സഹപ്രവർത്തകനായ സന്ദീപ് ദീക്ഷിതിനെ കെട്ടിപ്പിടിച്ചുകൊണ്ട് നടത്തിയ രാഹുലിന്റെ പരാമർശത്തിന്റെ വീഡിയോ സമൂഹമാധ്യമങ്ങളിൽ വൈറലായി. സർക്കാരിന്റെ നയതന്ത്ര നീക്കങ്ങളെ പരിഹസിച്ചുകൊണ്ടുള്ള രാഹുലിന്റെ ഈ പരാമർശം വലിയ രാഷ്ട്രീയ ചർച്ചകൾക്ക് വഴിവെച്ചിരിക്കുകയാണ്.