டெல்லி மெட்ரோ நிலையங்களில் இந்தியப் பிரிவினை துயரம் குறித்த கண்காட்சி அமைப்பு

சுருக்கமான செய்திகள்

ஆகஸ்ட் 14 ஆம் தேதி ஆண்டுதோறும் கடைபிடிக்கப்படும் பிரிவினை துயரம் நினைவு நாளை முன்னிட்டு டெல்லி மெட்ரோ ரயில் நிறுவனம் ராஜீவ் சௌக் மற்றும் காஷ்மீரி கேட் மெட்ரோ நிலையங்களில் கண்காட்சிகளை அமைத்துள்ளது. இந்தக் கண்காட்சிகள் ஆகஸ்ட் 21 வரை பொதுமக்களின் பார்வைக்கு திறந்திருக்கும். பிரிவினையினால் பாதிக்கப்பட்டவர்களின் துயரங்களையும் வலியையும் எடுத்துரைப்பதோடு அந்த சோகமான நிகழ்வுகள் குறித்து பார்வையாளர்களுக்கு கல்விசார் அனுபவத்தை வழங்குவதே இந்த கண்காட்சியின் நோக்கம் என்று மெட்ரோ நிறுவனத்தின் முதன்மை நிர்வாக இயக்குனர் அனுஜ் தயாள் தெரிவித்தார்.

இதனிடையே இந்திய சுதந்திரத்தின் 80-வது ஆண்டைக் கொண்டாடும் வகையில் ஹர் கர் திரங்கா திட்டத்தின் கீழ் நமோ பாரத் வழித்தடத்தில் தேசிய தலைநகர் மண்டல போக்குவரத்து கழகம் பல்வேறு நடவடிக்கைகளை மேற்கொண்டு வருகிறது. ஆனந்த் விகார் நமோ பாரத் நிலையத்தில் வியாழக்கிழமை ‘தேஷ் மெரே’ என்ற சிறப்பு இசை நிகழ்ச்சி நடைபெற்றது. பல நமோ பாரத் நிலையங்கள் மூவர்ண விளக்குகளால் அலங்கரிக்கப்பட்டுள்ளன.