દિલ્હીના વેપારી સાથે વર્ક ફ્રોમ હોમ કૌભાંડમાં ૫૦ લાખની છેતરપિંડી

પશ્ચિમ દિલ્હીના એક વેપારી સાથે ઓનલાઇન વર્ક ફ્રોમ હોમ કૌભાંડમાં ૫૦ લાખ રૂપિયાની છેતરપિંડી થઈ છે. આરોપીઓએ સોશિયલ મીડિયા ગ્રુપમાં વેપારીને જોડીને શરૂઆતમાં રેસ્ટોરન્ટ રેટિંગના કામ આપીને વિશ્વાસ કેળવ્યો હતો. ત્યારબાદ વધુ કમાણીની લાલચ આપીને ખાસ ટાસ્ક માટે પ્રોસેસિંગ ફીના નામે પૈસા પડાવ્યા હતા. વેપારીએ એક જ બેંક ખાતામાંથી ૪૫.૨૦ લાખ રૂપિયા ગુમાવ્યા છે. સાયબર પોલીસે આ અંગે ગુનો નોંધી વધુ તપાસ હાથ ધરી છે.