ಸಿಇಒ ಹತ್ಯೆ ಪ್ರಕರಣ: ನ್ಯೂಯಾರ್ಕ್ ನ್ಯಾಯಾಲಯದಲ್ಲಿ ಅಪರಾಧ ಒಪ್ಪಿಕೊಂಡ ಲುಯಿಗಿ ಮ್ಯಾಂಗಿಯೋನ್

ಸಂಕ್ಷಿಪ್ತ ವರದಿ

ಯುುನೈಟೆಡ್ ಹೆಲ್ತ್‌ಕೇರ್ ಸಿಇಒ ಬ್ರಿಯಾನ್ ಥಾಂಪ್ಸನ್ ಅವರನ್ನು ಗುಂಡಿಕ್ಕಿ ಕೊಂದಿದ್ದಾಗಿ ಲುಯಿಗಿ ಮ್ಯಾಂಗಿಯೋನ್ ಶುಕ್ರವಾರ ನ್ಯೂಯಾರ್ಕ್ ನ್ಯಾಯಾಲಯದಲ್ಲಿ ತಪ್ಪೊಪ್ಪಿಕೊಂಡಿದ್ದಾರೆ. ಕೊಲೆ ಮಾಡುವ ಉದ್ದೇಶದಿಂದ ಹಿಂಬಾಲಿಸಿದ ಎರಡು ಫೆಡರಲ್ ಆರೋಪಗಳನ್ನು ಅವರು ಒಪ್ಪಿಕೊಂಡಿದ್ದಾರೆ. ಆರೋಗ್ಯ ವಿಮಾ ಪದ್ಧತಿಯ ಬಗ್ಗೆ ಸಾರ್ವಜನಿಕರ ಆಕ್ರೋಶಕ್ಕೆ ಸಾಕ್ಷಿಯಾಗಿದ್ದ ಈ ಹೈ ಪ್ರೊಫೈಲ್ ಪ್ರಕರಣದಲ್ಲಿ ಈಗ ಫೆಡರಲ್ ವಿಚಾರಣೆ ತಪ್ಪಿದಂತಾಗಿದೆ. 28 ವರ್ಷದ ಮ್ಯಾಂಗಿಯೋನ್ ತಾನು ಬೆನ್ನುಮೂಳೆ ಮುರಿತದಿಂದ ಬಳಲಿದ ನಂತರ ಕಂಪನಿಯ ಹೂಡಿಕೆದಾರರ ಸಮ್ಮೇಳನದ ಬಗ್ಗೆ ಮಾಹಿತಿ ಸಂಗ್ರಹಿಸಿದ್ದಾಗಿ ತಿಳಿಸಿದ್ದಾರೆ. 3ಡಿ ಪ್ರಿಂಟರ್ ಬಳಸಿ ಬಂದೂಕಿನ ಭಾಗವನ್ನು ತಯಾರಿಸಿ, ಕೊಲೆ ಮಾಡುವ ಉದ್ದೇಶದಿಂದ ನ್ಯೂಯಾರ್ಕ್‌ಗೆ ಪ್ರಯಾಣಿಸಿದ್ದೆ ಎಂದು ಅವರು ನ್ಯಾಯಾಲಯದಲ್ಲಿ ನಾನು ಮ್ಯಾನ್ಹ್ಯಾಟನ್‌ನಲ್ಲಿ ಥಾಂಪ್ಸನ್ ಅವರ ಮೇಲೆ ಗುಂಡು ಹಾರಿಸಿದ್ದು ಅವರು ಮೃತಪಟ್ಟಿದ್ದಾರೆ ಎಂದು ಹೇಳಿದ್ದಾರೆ.

ಪ್ರತಿ ಆರೋಪಕ್ಕೆ ಮ್ಯಾಂಗಿಯೋನ್ ಗರಿಷ್ಠ ಜೀವಾವಧಿ ಶಿಕ್ಷೆಯನ್ನು ಎದುರಿಸಲಿದ್ದು ಡಿಸೆಂಬರ್ 18 ರಂದು ಶಿಕ್ಷೆಯ ಪ್ರಮಾಣ ಘೋಷಣೆಯಾಗಲಿದೆ. ಯಾವುದೇ ರೀತಿಯ ಒಪ್ಪಂದ ಮಾಡಿಕೊಂಡಿಲ್ಲ ಎಂದು ಅವರ ವಕೀಲೆ ಕರೆನ್ ಫ್ರೀಡ್‌ಮನ್ ಅಗ್ನಿಫಿಲೋ ಸ್ಪಷ್ಟಪಡಿಸಿದ್ದಾರೆ. ಈ ತಪ್ಪೊಪ್ಪಿಗೆಯಿಂದ ಮ್ಯಾಂಗಿಯೋನ್ ಡಬಲ್ ಜೆಪರ್ಡಿ ಕಾನೂನಿನ ಅಡಿಯಲ್ಲಿ ರಾಜ್ಯ ಮಟ್ಟದ ಕೊಲೆ ಆರೋಪದಿಂದ ಮುಕ್ತಿ ಪಡೆಯಲು ಪ್ರಯತ್ನಿಸಬಹುದು ಆದರೆ ಮ್ಯಾನ್ಹ್ಯಾಟನ್ ಜಿಲ್ಲಾ ಅಟಾರ್ನಿ ಆಲ್ವಿನ್ ಬ್ರ್ಯಾಗ್ ಅವರ ಕಚೇರಿ ಇದನ್ನು ವಿರೋಧಿಸಿದೆ. ದ್ವಿತೀಯ ಹಂತದ ಕೊಲೆ ಪ್ರಕರಣದ ರಾಜ್ಯ ವಿಚಾರಣೆಯು ಸೆಪ್ಟೆಂಬರ್ 8 ರಂದು ನಿಗದಿಯಾಗಿದೆ.