ಬೆಂಗಳೂರು: ನ್ಯಾನಿ ಹುಟ್ಟುಹಬ್ಬಕ್ಕೆ ಮೊದಲ ಕೇಕ್ ಕತ್ತರಿಸಿದ ರಷ್ಯನ್ ಮಹಿಳೆ

ಬೆಂಗಳೂರಿನಲ್ಲಿ ನೆಲೆಸಿರುವ ರಷ್ಯಾದ ಯಾನಾ ಎಂಬುವವರು ತಮ್ಮ 40 ವರ್ಷದ ನ್ಯಾನಿ ಸವಿತಾ ಅವರಿಗೆ ಜೀವನದಲ್ಲಿ ಮೊದಲ ಬಾರಿಗೆ ಹುಟ್ಟುಹಬ್ಬದ ಕೇಕ್ ಕತ್ತರಿಸುವಂತೆ ಅಚ್ಚರಿ ನೀಡಿದ್ದಾರೆ. ಈ ಭಾವುಕ ಕ್ಷಣದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಕೇಕ್ ಕಂಡ ಸವಿತಾ ಭಾವುಕರಾಗಿ ಯಾನಾ ಮತ್ತು ಅವರ ಮಗಳನ್ನು ಅಪ್ಪಿಕೊಂಡಿದ್ದಾರೆ. ಸವಿತಾ ಅವರು ಹಲವು ವರ್ಷಗಳಿಂದ ತಮ್ಮ ಕುಟುಂಬದ ಭಾಗವಾಗಿದ್ದು, ಅವರಿಗೆ ಈ ವಿಶೇಷ ಗೌರವ ಸಲ್ಲಿಸಲು ನಿರ್ಧರಿಸಿದ್ದಾಗಿ ಯಾನಾ ತಿಳಿಸಿದ್ದಾರೆ. ಈ ಸರಳ ಮತ್ತು ಹೃದಯಸ್ಪರ್ಶಿ ಘಟನೆ ನೆಟ್ಟಿಗರ ಮನ ಗೆದ್ದಿದೆ.