രോഹിത് ശർമയെ മുംബൈ ഇന്ത്യൻസ് പരിശീലകനാക്കണമെന്ന് ആർ അശ്വിൻ

മുൻ ഇന്ത്യൻ നായകൻ രോഹിത് ശർമ വിരമിച്ചാൽ അദ്ദേഹത്തെ മുംബൈ ഇന്ത്യൻസ് പരിശീലക സംഘത്തിൽ ഉൾപ്പെടുത്തണമെന്ന് രവിചന്ദ്രൻ അശ്വിൻ. തന്റെ യൂട്യൂബ് ചാനലിലൂടെയാണ് അശ്വിൻ ഇക്കാര്യം ആവശ്യപ്പെട്ടത്. രോഹിത്തിന്റെ തന്ത്രപരമായ അറിവ് മുംബൈ ഇന്ത്യൻസിന് വലിയ മുതൽക്കൂട്ടാണെന്നും മുംബൈയ്ക്കായി അഞ്ച് ഐപിഎൽ കിരീടങ്ങൾ നേടിയ അദ്ദേഹത്തിന്റെ അനുഭവസമ്പത്ത് ടീമിന് അത്യാവശ്യമാണെന്നും അശ്വിൻ അഭിപ്രായപ്പെട്ടു. ക്രിക്കറ്റ് തന്ത്രങ്ങൾ മെനയുന്നതിൽ രോഹിത് അസാധാരണമായ മികവ് പുലർത്തുന്നുണ്ട്.