പൂഞ്ചിൽ മോർട്ടാർ ഷെല്ലുകൾ നിർവീര്യമാക്കുന്നതിനിടെ സ്ഫോടനം: രണ്ട് സൈനികർക്ക് പരിക്ക്

ജമ്മു കശ്മീരിലെ പൂഞ്ച് ജില്ലയിലെ മൻകോട്ട് സെക്ടറിലുണ്ടായ സ്ഫോടനത്തിൽ രണ്ട് സൈനികർക്ക് പരിക്കേറ്റു. ചോകി സാഗ്ര വനമേഖലയിൽ കണ്ടെത്തിയ രണ്ട് തുരുമ്പിച്ച മോർട്ടാർ ഷെല്ലുകൾ നിർവീര്യമാക്കാൻ ശ്രമിക്കുന്നതിനിടെയാണ് അപകടം സംഭവിച്ചത്. നിയന്ത്രിത സ്ഫോടനത്തിലൂടെ ഇവ നശിപ്പിക്കാൻ സൈന്യം നടത്തിയ ശ്രമത്തിനിടെയാണ് പൊട്ടിത്തെറിയുണ്ടായത്. പരിക്കേറ്റവരെ ഉടൻ തന്നെ ചികിത്സയ്ക്കായി ആശുപത്രിയിലേക്ക് മാറ്റി. സംഭവസ്ഥലത്ത് സുരക്ഷാ പരിശോധനകൾ തുടരുകയാണ്.