ईशान्येकडील पूरग्रस्तांना केंद्राकडून सर्वतोपरी मदत मिळेल: जेपी नड्डा

केंद्रीय आरोग्य मंत्री जेपी नड्डा यांनी नागालँड आणि अरुणाचल प्रदेशातील पूरग्रस्त भागांचा दौरा केला. यावेळी त्यांनी नैसर्गिक आपत्तीमुळे नुकसान झालेल्या नागरिकांची भेट घेतली. राज्यांमध्ये भूस्खलन आणि ढगफुटीमुळे मोठ्या प्रमाणात जीवित व वित्तहानी झाली आहे. केंद्राकडून मदत, पुनर्वसन आणि पुनर्बांधणीसाठी सर्वतोपरी सहकार्य केले जाईल, अशी ग्वाही नड्डा यांनी दिली. प्रशासनाला परिस्थितीवर लक्ष ठेवण्याचे आणि पीडितांना तत्काळ मदत पुरवण्याचे निर्देश त्यांनी दिले आहेत.