இந்தோனேசியாவின் புளோரஸ் பகுதியில் 7.7 ரிக்டர் அளவில் நிலநடுக்கம் சுனாமி எச்சரிக்கை விடிப்பு

செய்திச் சுருக்கம்

இந்தோனேசியாவின் புளோரஸ் பிராந்திய கடற்கரை பகுதியில் சனிக்கிழமை அதிகாலை 7.7 ரிக்டர் அளவில் சக்திவாய்ந்த நிலநடுக்கம் ஏற்பட்டது. இதனால் பல கட்டிடங்கள் சேதமடைந்த நிலையில் கிழக்கு நுசா டெங்காரா, மேற்கு நுசா டெங்காரா, தெற்கு சுலவேசி மற்றும் தென்கிழக்கு சுலவேசி மாகாணங்களின் சில பகுதிகளுக்கு சுனாமி எச்சரிக்கை விடுக்கப்பட்டுள்ளது. உள்ளூர் நேரப்படி காலை 5:58 மணிக்கு எண்டே நகருக்கு வட-வடமேற்கே 68 கிமீ தொலைவில் 10 கிமீ ஆழத்தில் இந்த நிலநடுக்கம் மையம் கொண்டிருந்ததாக அமெரிக்க புவியியல் ஆய்வு மையம் தெரிவித்துள்ளது. உயிரிழப்புகள் குறித்த உடனடி தகவல்கள் ஏதும் இல்லை.

கடலோரப் பகுதி மக்கள் பாதுகாப்பான உயரமான இடங்களுக்கு வெளியேற்றப்பட்டனர் அதிகாரிகள் கடல் மட்டத்தை தொடர்ந்து கண்காணித்து வருகின்றனர். சிக்கா ரீஜென்சியின் குடியிருப்பாளரான யோஹன்னா எம்பு கூறுகையில் மௌமரேவில் உள்ள பெல்னி துறைமுக முனையத்தின் காத்திருப்பு அறை இடிந்து விழுந்ததாக தெரிவித்தார். தொடர்ந்து பலமுறை நில அதிர்வுகள் உணரப்பட்டன. இந்தோனேசியா பசிபிக் நெருப்பு வளைய பகுதியில் அமைந்துள்ளதால் அங்கு நிலநடுக்கம் மற்றும் சுனாமி பாதிப்புகள் அதிகம். 1992 ஆம் ஆண்டு புளோரஸில் இதே போன்ற தீவிரத்தன்மை கொண்ட நிலநடுக்கம் ஏற்பட்டபோது சுமார் 2,500 பேர் உயிரிழந்தனர்.