மும்பை ஜெயின் உணவுத் திருவிழாவில் பர்தா அணிய எதிர்ப்பு

மும்பை வொர்லி பகுதியில் நடைபெற்ற ஜெயின் உணவுத் திருவிழாவில், உணவு அரங்கு வைத்திருந்த முஸ்லிம் பெண் ஒருவரை பர்தாவை கழற்றச் சொல்லி வற்புறுத்திய சம்பவம் பெரும் சர்ச்சையை ஏற்படுத்தியுள்ளது. ஆகஸ்ட் 6 அன்று நேஷனல் ஸ்போர்ட்ஸ் கிளப் ஆஃப் இந்தியாவில் இந்த விழா நடைபெற்றது. அந்த பெண்ணின் உறவினர் முஷ்டாக் அன்சாரி சமூக வலைதளத்தில் வெளியிட்ட வீடியோ மூலம் இந்த விவகாரம் வெளிச்சத்திற்கு வந்துள்ளது. இது குறித்து அப்பெண் காவல் நிலையத்தில் புகார் அளித்துள்ளார்.