ஹரியானா மரம் பாதுகாப்புச் சட்டத்தை தாமதப்படுத்தியது ஏன்: தலைமைச் செயலருக்கு என்ஜிடி உத்தரவு

காடுகள் அல்லாத பகுதிகளில் மரங்களை வெட்டுவதைக் கட்டுப்படுத்துவதற்காக ஹரியானா மரம் பாதுகாப்புச் சட்டத்தை அமல்படுத்துவதில் ஏற்பட்டுள்ள தாமதம் குறித்து விளக்கமளிக்க தேசிய பசுமைத் தீர்ப்பாயம் உத்தரவிட்டுள்ளது. இது தொடர்பாக பிரமாணப் பத்திரம் தாக்கல் செய்ய ஹரியானா தலைமைச் செயலருக்கு அறிவுறுத்தப்பட்டுள்ளது. மாநிலத்தில் மரங்கள் பெருமளவில் வெட்டப்படுவதாகத் தொடரப்பட்ட வழக்கின் விசாரணையின்போது இந்த முக்கிய உத்தரவு பிறப்பிக்கப்பட்டுள்ளது.