தன் ராஜினாமா கடிதத்தை ஏற்று கொள்ளுமாறு பாஜகவிடம் வலியுறுத்தும் ஷெசாத் பூனாவாலா

பாஜகவின் தேசிய செய்தித் தொடர்பாளர் ஷெசாத் பூனாவாலா தனது ராஜினாமா கடிதத்தை மீண்டும் கட்சித் தலைவர் நிதின் நபினிடம் சமர்ப்பித்துள்ளார். தனது முந்தைய கடிதம் நிராகரிக்கப்பட்ட நிலையில் தற்போதைய கடிதத்தை ஏற்குமாறு அவர் வலியுறுத்தியுள்ளார். நிதி நெருக்கடி மற்றும் தனிப்பட்ட காரணங்கள் காரணமாகவே தான் இந்த முடிவை எடுத்துள்ளதாக பூனாவாலா தெரிவித்துள்ளதாக ஹிந்துஸ்தான் டைம்ஸ் செய்தி வெளியிட்டுள்ளது. கடந்த சில நாட்களில் நடந்த சம்பவங்கள் தனது முடிவில் உறுதியாக இருக்க வேண்டிய கட்டாயத்தை ஏற்படுத்தியுள்ளதாக அவர் சூசகமாகத் தெரிவித்துள்ளார்.

காங்கிரஸ் கட்சியிலிருந்து விலகி 2017 இல் பாஜகவில் இணைந்த பூனாவாலா தனது எக்ஸ் தள கணக்கின் சுயவிவரத்திலிருந்து பாஜக குறித்த தகவல்களை நீக்கியுள்ளார். அதில் தற்போது மதம் இஸ்லாம் பண்பாடு இந்து மற்றும் பாரதிய கொள்கை மற்றும் பிரதமர் நரேந்திர மோடியின் வாழ்நாள் ஆதரவாளர் என்று பதிவிட்டுள்ளார். அதிகாரத்தில் இருப்பது மட்டுமே சமூகத்திற்கு சேவை செய்வதற்கான வழி அல்ல என்று கூறி பூனாவாலா தீவிர அரசியலிலிருந்து விலகத் தயாராகி வருவதாக தி ஹன்ஸ் இந்தியா குறிப்பிட்டுள்ளது.

எக்ஸ் தளத்தில் அவர் பகிர்ந்துள்ள சமீபத்திய கடிதத்தில் தன்னை இளம் பாஸ்மண்டா முஸ்லிம் மற்றும் வாரிசு அரசியல் சாராதவர் என்று அடையாளப்படுத்தியுள்ளார். மேலும் பிரதமர் மோடி அமித் ஷா மற்றும் ராஜ்நாத் சிங் உள்ளிட்டோரின் ஆதரவிற்கு நன்றி தெரிவித்துள்ளார். இந்த ராஜினாமா குறித்து பூனாவாலாவோ அல்லது பாஜகவோ அதிகாரப்பூர்வமான அறிக்கையை இதுவரை வெளியிடவில்லை.