હોર્મુઝની સ્થિતિ વણસતા ક્રૂડ ઓઈલના ભાવ 90 ડોલરની નજીક પહોંચ્યા

હોર્મુઝની સામુદ્રધુની ફરી ખોલવા માટેની મંત્રણા અટકી પડતા બુધવારે બ્રેન્ટ ક્રૂડના ભાવ 89 ડોલર પ્રતિ બેરલને પાર કરી ગયા છે. એક સપ્તાહમાં જ ભાવમાં 13 ટકાનો ઉછાળો આવ્યો છે. અમેરિકી રાષ્ટ્રપતિ ડોનાલ્ડ ટ્રમ્પે ઈરાન પાસે યુદ્ધ પીડિતો માટે વળતરની માંગ કરતા તણાવ વધ્યો છે. ઈરાને સ્પષ્ટ કર્યું છે કે જ્યાં સુધી અમેરિકી નૌકાદળનો પ્રતિબંધ ચાલુ રહેશે ત્યાં સુધી આ જળમાર્ગ બંધ જ રહેશે. આ સ્થિતિના કારણે વૈશ્વિક પુરવઠામાં મોટી અછતની આશંકા સેવાઈ રહી છે.