સ્વતંત્રતા દિવસ પૂર્વે બંગાળમાં જીલેટિન સ્ટિક્સ અને દેશી બોમ્બનો મોટો જથ્થો ઝડપાયો

ટૂંકમાં સમાચાર

સ્વતંત્રતા દિવસ અગાઉ પશ્ચિમ બંગાળના બીરભૂમ જિલ્લામાંથી ૩૦૪ જીલેટિન સ્ટિક્સ અને દેશી બોમ્બ સહિત વિસ્ફોટકોનો મોટો જથ્થો જપ્ત કરવામાં આવ્યો છે તેમ પોલીસે શુક્રવારે જણાવ્યું હતું. રામપુરહાટ પોલીસ સ્ટેશન વિસ્તાર હેઠળના પઠાનપરામાં એક વ્યક્તિના ઘરેથી ૩૦૪ જીલેટિન સ્ટિક્સ મળી આવ્યા બાદ તેની ધરપકડ કરવામાં આવી હતી. એક અન્ય કાર્યવાહીમાં પોલીસે બીજા વિસ્તારમાંથી આશરે ૩૮ કિલો જીલેટિન સ્ટિક્સ જપ્ત કરી હતી. મલારપુરના કોટ ગામમાં રાત્રિ દરમિયાન દરોડા પાડીને સુરક્ષા દળોએ કાચા મકાનમાંથી દેશી બોમ્બ ભરેલી ચાર થેલીઓ શોધી કાઢી હતી. નલહાટી પોલીસ સ્ટેશન હેઠળના લોકનામારા ગામમાં એક ત્યજી દેવાયેલા મકાનમાંથી એમોનિયમ નાઈટ્રેટ અને ડેટોનેટર સહિત વિસ્ફોટક બનાવવાની મોટી સામગ્રી મળી આવી હતી. આ જપ્તી પશ્ચિમ બંગાળમાં સુરક્ષા વ્યવસ્થા કડક કરવામાં આવી છે તેવા સમયે થઈ છે. વધુ તપાસ ચાલુ છે.