ઓપરેશન સિંદૂર ડોક્યુમેન્ટ્રીમાં NSA અજીત ડોભાલનું નિવેદન, ભારત આકરા પ્રહાર કરવા સક્ષમ

ટૂંકમાં સમાચાર

રાષ્ટ્રીય સુરક્ષા સલાહકાર અજીત ડોભાલે સ્પષ્ટ કર્યું છે કે ભારતની ઉદારતા અને સહનશીલતાને ક્યારેય નબળાઈ તરીકે જોવી જોઈએ નહીં. તેમણે ભારપૂર્વક કહ્યું કે ભારત ગમે તેવા પરિણામોની પરવા કર્યા વગર આકરા પ્રહાર કરવા સક્ષમ છે. ડિસ્કવરીની આગામી ડોક્યુમેન્ટ્રી સિરીઝ ‘ડીક્લાસિફાઈડ: ઓપરેશન સિંદૂર’માં વાત કરતા ડોભાલે જણાવ્યું હતું કે ૮૮ કલાકના આ સૈન્ય અભિયાનનો મુખ્ય ઉદ્દેશ્ય ૨૨ એપ્રિલે પહલગામમાં થયેલા આતંકવાદી હુમલા માટે જવાબદાર દુશ્મન કેમ્પોનો નાશ કરવાનો હતો. ભારતે ૭ મેના રોજ પાકિસ્તાન અને પાકિસ્તાન અધિકૃત કાશ્મીરમાં આતંકવાદી ઈન્ફ્રાસ્ટ્રક્ચર પર સચોટ હુમલા કર્યા હતા. પાકિસ્તાન સાથે સમજૂતી થયા બાદ ૧૦ મેના રોજ આ સંઘર્ષ અટકાવવામાં આવ્યો હતો.