ನಿವೃತ್ತಿಯ ಮೂರು ವರ್ಷದ ನಂತರ ಇಪಿಎಫ್ ಖಾತೆಗೆ ಬಡ್ಡಿ ಸಿಗುವುದಿಲ್ಲ: ಇಪಿಎಫ್ಒ ಸ್ಪಷ್ಟನೆ

ನೌಕರರ ಭವಿಷ್ಯ ನಿಧಿ ಸಂಸ್ಥೆ ಅಂದರೆ ಇಪಿಎಫ್ಒ ನಿಯಮದ ಪ್ರಕಾರ ಸದಸ್ಯರು 58 ವರ್ಷಕ್ಕೆ ನಿವೃತ್ತಿ ಹೊಂದಿದ ನಂತರ ಮೂರು ವರ್ಷಗಳವರೆಗೆ ಮಾತ್ರ ಇಪಿಎಫ್ ಖಾತೆಯಲ್ಲಿನ ಜಮೆಯ ಮೇಲೆ ಬಡ್ಡಿ ನೀಡಲಾಗುತ್ತದೆ. ನಿವೃತ್ತಿಯ ಮೂರು ವರ್ಷಗಳ ನಂತರ ಖಾತೆಯು ನಿಷ್ಕ್ರಿಯಗೊಳ್ಳುತ್ತದೆ. ಆದಾಗ್ಯೂ ಖಾತೆಯಲ್ಲಿರುವ ಹಣ ಸುರಕ್ಷಿತವಾಗಿರುತ್ತದೆ ಮತ್ತು ನಿವೃತ್ತಿ ಹೊಂದಿದವರು ಯಾವುದೇ ಸಮಯದಲ್ಲಿ ತಮ್ಮ ಹಣವನ್ನು ಕ್ಲೇಮ್ ಮಾಡಿಕೊಳ್ಳಲು ಅವಕಾಶವಿದೆ ಎಂದು ಸಂಸ್ಥೆಯು ತನ್ನ ಅಧಿಕೃತ ಎಫ್‌ಎಕ್ಯೂನಲ್ಲಿ ತಿಳಿಸಿದೆ.