ಅಮೆರಿಕದಲ್ಲಿ ಸ್ಥಗಿತಗೊಂಡ ಫೇಸ್‌ಬುಕ್ ವೆಬ್‌ಸೈಟ್: ಲ್ಯಾಪ್‌ಟಾಪ್ ಬಳಕೆದಾರರಿಗೆ ಪರದಾಟ

ಅಮೆರಿಕದಲ್ಲಿ ಗುರುವಾರ ಬೆಳಿಗ್ಗೆ ಸಾವಿರಾರು ಮಂದಿ ಫೇಸ್‌ಬುಕ್ ಬಳಕೆದಾರರು ವೆಬ್‌ಸೈಟ್ ಪ್ರವೇಶಿಸಲು ಸಾಧ್ಯವಾಗದೆ ತೊಂದರೆ ಅನುಭವಿಸಿದರು. ಲ್ಯಾಪ್‌ಟಾಪ್ ಬ್ರೌಸರ್‌ಗಳಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡಿದ್ದು ಬಳಕೆದಾರರಿಗೆ ಅಡಚಣೆಯಾಯಿತು. ಆದರೆ ಮೊಬೈಲ್ ಅಪ್ಲಿಕೇಶನ್ ಎಂದಿನಂತೆ ಸುಗಮವಾಗಿ ಕಾರ್ಯನಿರ್ವಹಿಸಿತು. ಡೌನ್‌ ಡಿಟೆಕ್ಟರ್ ವರದಿ ಪ್ರಕಾರ ಪೆನ್ಸಿಲ್ವೇನಿಯಾ ಮತ್ತು ಫ್ಲೋರಿಡಾ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಈ ಸಮಸ್ಯೆ ಕಂಡುಬಂದಿದೆ. ಸಾಮಾಜಿಕ ಜಾಲತಾಣದಲ್ಲಿನ ಈ ವ್ಯತ್ಯಯದಿಂದಾಗಿ ನೆಟ್ಟಿಗರು ಕಂಗಾಲಾದರು.