എയർ ഇന്ത്യ വിമാനത്തിൽ ഹൈഡ്രോളിക് തകരാർ, 300 അടി ഉയരത്തിൽ നിന്ന് താഴേക്ക് പതിച്ചു

ഫുക്കറ്റിൽ നിന്ന് ഡൽഹിയിലേക്ക് വരികയായിരുന്ന എയർ ഇന്ത്യ എഐ2379 വിമാനത്തിന് പറക്കലിനിടെ ഗുരുതരമായ ഹൈഡ്രോളിക് തകരാറുകൾ നേരിട്ടതായി റിപ്പോർട്ട്. വിമാനത്തിന്റെ ഗ്രീൻ, ബ്ലൂ, യെല്ലോ ഹൈഡ്രോളിക് സിസ്റ്റങ്ങളിൽ പലതവണ ലോ പ്രഷർ അലേർട്ടുകൾ ലഭിക്കുകയും ഫ്ലൂയിഡ് നില കുറയുകയും ചെയ്തിരുന്നു. ഇതിനിടയിൽ രണ്ട് തവണ ഓട്ടോ പൈലറ്റ് സംവിധാനവും വിച്ഛേദിക്കപ്പെട്ടു. വിമാനം പെട്ടെന്ന് 300 അടി താഴേക്ക് പതിച്ചതിനെത്തുടർന്ന് അടിയന്തര അന്വേഷണം ആരംഭിച്ചു.