കശ്മീർ വിഷയത്തിലെ പാകിസ്ഥാന്റെ പ്രചാരണം തള്ളി ഇന്ത്യ

കശ്മീരിന്റെ പ്രത്യേക പദവി എടുത്തു കളഞ്ഞതിന്റെ വാർഷികത്തിൽ പാകിസ്ഥാൻ ആചരിച്ച 'യൗം-ഇ-ഇസ്തെഹസൽ' ദിനത്തെ ഇന്ത്യ രൂക്ഷമായി വിമർശിച്ചു. പാകിസ്ഥാന്റെ അവകാശവാദങ്ങൾ അടിസ്ഥാനരഹിതമാണെന്ന് വിദേശകാര്യ മന്ത്രാലയം വ്യക്തമാക്കി. സ്വന്തം രാജ്യത്തെ മനുഷ്യാവകാശ ലംഘനങ്ങളിൽ നിന്നും ഭീകരവാദ ബന്ധങ്ങളിൽ നിന്നും ലോകശ്രദ്ധ തിരിച്ചുവിടാനുള്ള പാകിസ്ഥാന്റെ കുതന്ത്രമാണിതെന്ന് ഔദ്യോഗിക വക്താവ് രൺധീർ ജയ്‌സ്വാൾ പ്രതികരിച്ചു.