ജെഎൻയുവിൽ ഉമർ ഖാലിദിന്റെ പുസ്തക ചർച്ചയ്ക്ക് അനുമതി നിഷേധിച്ചു

ഓഗസ്റ്റ് പത്തിന് ലോക ആദിവാസി ദിനത്തിൽ ജെഎൻയുവിൽ നടക്കാനിരുന്ന ഉമർ ഖാലിദിന്റെ ഫ്രാക്ചർഡ് കമ്മ്യൂണിറ്റീസ് എന്ന പുസ്തക ചർച്ചയ്ക്കുള്ള ഓഡിറ്റോറിയം ബുക്കിംഗ് സർവകലാശാല റദ്ദാക്കി. പരിപാടിയെക്കുറിച്ചുള്ള വിവരങ്ങൾ കൃത്യമായി അറിയിച്ചില്ലെന്ന് ചൂണ്ടിക്കാട്ടിയാണ് നടപടി. സർവകലാശാലയുടെ നീക്കം ജനാധിപത്യവിരുദ്ധവും ഏകപക്ഷീയവുമാണെന്ന് ജെഎൻയു സ്റ്റുഡന്റ്സ് യൂണിയൻ ആരോപിച്ചു. വിദ്യാർത്ഥികളുടെ മൗലികാവകാശത്തിന് മേലുള്ള കടന്നുകയറ്റമാണിതെന്ന് യൂണിയൻ വിമർശിച്ചു.