മഹാരാഷ്ട്രയിൽ റസിഡന്റ് ഡോക്ടർമാർ സമരം പിൻവലിച്ചു

ബോംബെ ഹൈക്കോടതിയുടെ നിർദ്ദേശത്തെ തുടർന്ന് മഹാരാഷ്ട്രയിലെ റസിഡന്റ് ഡോക്ടർമാർ നടത്തിവന്ന അനിശ്ചിതകാല സമരം പിൻവലിച്ചു. ജോലിയിൽ ഉടൻ തിരികെ പ്രവേശിക്കണമെന്ന കോടതി ഉത്തരവ് കണക്കിലെടുത്താണ് തീരുമാനം. സർക്കാർ ആശുപത്രികളിലെ സേവനം ഇതോടെ സാധാരണ നിലയിലായി. ബ്രിഡ്ജ് കോഴ്സ് പൂർത്തിയാക്കുന്ന ബിഎച്ച്എംഎസ് ബിരുദധാരികളെ രജിസ്റ്റർ ചെയ്യാനുള്ള സർക്കാർ തീരുമാനത്തിൽ പ്രതിഷേധിച്ചായിരുന്നു ഡോക്ടർമാർ സമരം ചെയ്തിരുന്നത്.