पाकिस्तानच्या स्वातंत्र्यदिनाला बलुच नेत्याकडून काळा दिवस म्हणून पाळण्याचे आवाहन

बलुच नेते मीर यार बलुच यांनी जगातील सहा कोटी बलुच नागरिकांना १४ ऑगस्ट हा पाकिस्तानचा स्वातंत्र्यदिन 'काळा दिवस' म्हणून पाळण्याचे आवाहन केले आहे. त्यांनी एक्स या सोशल मीडिया प्लॅटफॉर्मवर एक पोस्ट करत पाकिस्तानच्या राजवटीचा निषेध केला. बलुच नागरिकांनी घरांवर काळे झेंडे फडकवावेत आणि हातावर काळ्या पट्ट्या बांधून आपला विरोध दर्शवावा असे त्यांनी म्हटले आहे. बलुचिस्तान हा एक स्वतंत्र आणि सार्वभौम देश असल्याचे सांगत त्यांनी पाकव्याप्त धोरणांना जोरदार विरोध दर्शवला आहे.