BSP પ્રમુખ માયાવતીએ પૂર્વ મંત્રી અનંત કુમાર મિશ્રાને પાર્ટીમાંથી હાંકી કાઢ્યા

બસપાના રાષ્ટ્રીય અધ્યક્ષ માયાવતીએ ઉત્તર પ્રદેશના પૂર્વ સ્વાસ્થ્ય મંત્રી અનંત કુમાર મિશ્રા ઉર્ફે અંતુ મિશ્રાને પક્ષવિરોધી પ્રવૃત્તિઓ બદલ તાત્કાલિક અસરથી પાર્ટીમાંથી હાંકી કાઢ્યા છે. માયાવતીએ ગુરુવારે આ અંગેની જાહેરાત કરી હતી. ઉત્તર પ્રદેશમાં વિધાનસભા ચૂંટણીના માહોલ વચ્ચે લેવાયેલો આ મોટો નિર્ણય રાજકીય ગલિયારાઓમાં ચર્ચાનો વિષય બન્યો છે. અંતુ મિશ્રા પક્ષની કામગીરીમાં સક્રિય હતા પરંતુ હવે તેમની હકાલપટ્ટીથી રાજકીય સમીકરણો બદલાઈ શકે છે.