ઇન્દોરમાં સ્કૂલના સ્વાતંત્ર્ય દિવસના લાડુમાં કીડા, બે બાળકો બીમાર

મધ્યપ્રદેશના ઇન્દોર જિલ્લાની એક સ્કૂલમાં સ્વાતંત્ર્ય દિવસના કાર્યક્રમમાં વહેંચાયેલા કીડાવાળા લાડુ ખાવાથી બે બાળકો બીમાર પડ્યા હતા, એમ અધિકારીઓએ જણાવ્યું હતું. સોંગુરાડિયા ગામની મિડલ સ્કૂલની આઠ વર્ષની એક બાળકીએ સૌપ્રથમ તેના લાડુમાં કીડા જોયા અને અન્યોને સાવધ કર્યા, જે બાદ ગ્રામજનોએ વિતરણ રોકી દીધું હતું.

દૂષિત લાડુનો એક વીડિયો સોશિયલ મીડિયા પર વાઇરલ થયો છે. પોલીસ અને ફૂડ વિભાગના અધિકારીઓએ બાકીની મિઠાઇઓ જપ્ત કરી, પરીક્ષણ માટે નમૂના એકત્રિત કર્યા અને તેને સપ્લાય કરનારી દુકાનને સીલ કરી દીધી. મિઠાઇઓની તૈયારી અને સપ્લાય અંગે તપાસ ચાલી રહી છે.