പത്തു വർഷത്തിന് ശേഷം ഇൻസ്റ്റാഗ്രാം ലോഗോ മാറ്റി, പരിഹാസവുമായി സോഷ്യൽ മീഡിയ

പത്തു വർഷത്തെ ഇടവേളയ്ക്ക് ശേഷം ഇൻസ്റ്റാഗ്രാം തങ്ങളുടെ ലോഗോയിൽ മാറ്റം വരുത്തി. കൂടുതൽ വ്യക്തത നൽകുന്ന രീതിയിലാണ് പുതിയ ഡിസൈൻ ഒരുക്കിയിരിക്കുന്നത്. എന്നാൽ പുതിയ മാറ്റം സോഷ്യൽ മീഡിയയിൽ വലിയ ചർച്ചയായിട്ടുണ്ട്. റെഡ്ഡിറ്റ് അടക്കമുള്ള പ്ലാറ്റ്‌ഫോമുകളിൽ ഉപയോക്താക്കൾ ഇതിനെ പരിഹസിക്കുന്നു. പുതിയ ലോഗോ ഇൻസ്റ്റാഗ്രാം എന്നതിന് പകരം ഇൻസ്റ്റാഗ്സാം എന്ന് വായിക്കാമെന്നാണ് ഇവരുടെ വാദം. പഴയ ലോഗോയിൽ മാറ്റം വരുത്തേണ്ടത് അത്യാവശ്യമാണെന്ന് ഇൻസ്റ്റാഗ്രാം മേധാവി ആദം മൊസേരി വ്യക്തമാക്കി.