ജപ്പാനിലെ 80 ശതമാനത്തിലധികം കമ്പനികളിലും എഐ പൂർണമായി എത്തിയിട്ടില്ലെന്ന് സർവേ

ജപ്പാനിലെ എൺപത് ശതമാനത്തിലധികം കമ്പനികൾ ആർട്ടിഫിഷ്യൽ ഇന്റലിജൻസ് അഥവാ എഐ സാങ്കേതികവിദ്യ വളരെ പരിമിതമായി മാത്രമാണ് ഉപയോഗിക്കുന്നതെന്ന് റോയിട്ടേഴ്സ് സർവേ വ്യക്തമാക്കുന്നു. അറുപത് ശതമാനം കമ്പനികളും ബിസിനസിന്റെ ചില ഭാഗങ്ങളിൽ മാത്രമാണ് എഐ ഉപയോഗിക്കുന്നത്. പതിനെട്ട് ശതമാനം കമ്പനികൾ ഇതുവരെ ഒരു തീരുമാനത്തിൽ എത്തിയിട്ടില്ല. ആറ് ശതമാനം കമ്പനികൾ എഐയെക്കുറിച്ച് ചിന്തിച്ചിട്ടുപോലുമില്ല. വെറും പതിനാറ് ശതമാനം കമ്പനികൾ മാത്രമാണ് എഐയെ കമ്പനിയിൽ പൂർണമായി ഉൾപ്പെടുത്തിയിട്ടുള്ളത്.