യുവ ക്രിക്കറ്റ് താരങ്ങൾക്ക് യുപി ടി20 ലീഗ് മികച്ച വേദിയെന്ന് മുഖ്യമന്ത്രി യോഗി ആദിത്യനാഥ്

ചുരുക്കത്തിൽ

ലഖ്നൗവിലെ അടൽ ബിഹാരി വാജ്പേയി ഏകാന ക്രിക്കറ്റ് സ്റ്റേഡിയത്തിൽ വെള്ളിഴ്ച നടന്ന ചടങ്ങിൽ മുഖ്യമന്ത്രി യോഗി ആദിത്യനാഥ് യുപി ടി20 ലീഗിന്റെ പ്രത്യേക സീസൺ ഉദ്ഘാടനം ചെയ്തു. കാശി രുദ്രാസും മീററ്റും തമ്മിലുള്ള മത്സരത്തോടെയാണ് ലീഗിന് തുടക്കമായത്. കാശി രുദ്രാസ്, മീററ്റ്, ലഖ്നൗ, ഗൊരഖ്പൂർ, കാൻപൂർ, നോയിഡ എന്നീ ആറ് ടീമുകൾ പങ്കെടുക്കുന്ന ഈ ലീഗ് ഉത്തർപ്രദേശിലെമ്പാടുമുള്ള കളിക്കാർക്ക് തങ്ങളുടെ കഴിവ് തെളിയിക്കാനുള്ള അവസരമൊരുക്കുമെന്ന് മുഖ്യമന്ത്രി പറഞ്ഞു.

ബിസിസിഐ വൈസ് പ്രസിഡന്റ് രാജീവ് ശുക്ലയുമായി അന്താരാഷ്ട്ര മത്സരങ്ങൾക്കിടെ നടത്തിയ ചർച്ചകളിൽ സംസ്ഥാനത്ത് കൂടുതൽ ക്രിക്കറ്റ് അവസരങ്ങൾ വേണമെന്ന ആവശ്യം താൻ ഉന്നയിച്ചിരുന്നതായി ആദിത്യനാഥ് ഓർമ്മിപ്പിച്ചു. ഇതൊരു കേവല മത്സരമല്ലെന്നും മറിച്ച് യുവാക്കളുടെ സ്വപ്നങ്ങൾക്ക് ചിറകേകുന്ന വേദിയാണെന്നും അദ്ദേഹം വ്യക്തമാക്കി. പ്രധാനമന്ത്രി മോദിയുടെ ‘ഫിറ്റ് ഇന്ത്യ’ ദർശനവുമായി ഈ പരിപാടിയെ ബന്ധപ്പെടുത്തിയ മുഖ്യമന്ത്രി, 80-ാം സ്വാതന്ത്ര്യ ദിനത്തിന് മുന്നോടിയായി നടക്കുന്ന ഈ ലീഗിന് പ്രത്യേക പ്രാധാന്യമുണ്ടെന്നും പറഞ്ഞു.