ടോം ക്രൂയിസുമായുള്ള വിവാഹം കരിയറിനെ ബാധിക്കുമെന്ന് മുന്നറിയിപ്പ് ലഭിച്ചിരുന്നു: നിക്കോൾ കിഡ്മാൻ

ടോം ക്രൂയിസുമായുള്ള വിവാഹം തന്റെ അഭിനയ ജീവിതത്തെ ദോഷകരമായി ബാധിക്കുമെന്ന് പലരും മുന്നറിയിപ്പ് നൽകിയിരുന്നതായി നടി നിക്കോൾ കിഡ്മാൻ വെളിപ്പെടുത്തി. ബ്രിട്ടീഷ് വോഗ് മാഗസിനുമായുള്ള അഭിമുഖത്തിലാണ് താരം ഇക്കാര്യം പറഞ്ഞത്. വിവാഹ സമയത്ത് തനിക്ക് 23 വയസ്സ് മാത്രമായിരുന്നു പ്രായമെന്നും ടോം ക്രൂയിസിനോടുള്ള പ്രണയം മാത്രമാണ് അന്ന് പരിഗണിച്ചതെന്നും നിക്കോൾ വ്യക്തമാക്കി. കരിയറിനെക്കുറിച്ചുള്ള ആശങ്കകളെ താൻ അന്ന് അവഗണിക്കുകയായിരുന്നുവെന്നും താരം കൂട്ടിച്ചേർത്തു.