ગુણવત્તાના મુદ્દે શ્રીલંકાએ ગુંટુરની મરચાંની ખેપ ફગાવી દીધી

શ્રીલંકાના સત્તાવાળાઓએ એફ્લાટોક્સિનના ઉચ્ચ સ્તર અને વધુ પડતા ભેજનું કારણ આપીને આંધ્રપ્રદેશના ગુંટુરથી મોકલાયેલ મરચાંની ખેપ ફગાવી દીધી છે. ડેક્કન ક્રોનિકલના અહેવાલ મુજબ નિકાસકારો ચર્ચા કરવા માટે શ્રીલંકા પહોંચ્યા છે. નિકાસકારોને નોટિસ આપવામાં આવી છે અને નમૂનાઓની પ્રયોગશાળાઓમાં તપાસ કરવામાં આવી રહી છે.

ચીન દ્વારા જૂન મહિનામાં ગુણવત્તાના મુદ્દાઓને લઈને ભારતના ત્રણ નિકાસકારોના મરચાં પાછા મોકલ્યા બાદ આ ઘટના બની છે. ગુંટુર આંધ્રપ્રદેશમાં મરચાંનો મુખ્ય વેપાર અને નિકાસ હબ છે. નિકાસકારો ચિંતિત છે કે આંતરરાષ્ટ્રીય બજારોમાં ખાદ્ય સુરક્ષાના કડક ધોરણોને કારણે આ વિસ્તારમાંથી થતી નિકાસ પર અસર પડી શકે છે જેની સીધી અસર સ્થાનિક બજાર પર પણ થઈ શકે છે.