ರಷ್ಯಾ ಕ್ಷಿಪಣಿ ತಡೆಯಲು ಅಮೆರಿಕದಿಂದ ಪ್ಯಾಟ್ರಿಯಟ್ ವ್ಯವಸ್ಥೆ ಕೇಳಿದ ಉಕ್ರೇನ್ ಅಧ್ಯಕ್ಷ ಝೆಲೆನ್ಸ್ಕಿ

ರಷ್ಯಾ ದಾಳಿಯನ್ನು ಸಮರ್ಥವಾಗಿ ಎದುರಿಸಲು ಅಮೆರಿಕದ ಬಳಿ ಇರುವ ಪ್ಯಾಟ್ರಿಯಟ್ ಇಂಟರ್ಸೆಪ್ಟರ್ ದಾಸ್ತಾನಿನ ಶೇ 5 ರಿಂದ 10 ರಷ್ಟು ಪೂರೈಸುವಂತೆ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಕೋರಿದ್ದಾರೆ. ಸಿಎನ್‌ಎನ್ ಸಂದರ್ಶನದಲ್ಲಿ ಮಾತನಾಡಿದ ಅವರು ಅಮೆರಿಕದ ಶೇ 10 ರಷ್ಟು ದಾಸ್ತಾನು ಸಿಕ್ಕರೆ ರಷ್ಯಾದ ಎಲ್ಲಾ ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ನಾಶಪಡಿಸಬಲ್ಲೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಪ್ರಸ್ತುತ ಉಕ್ರೇನ್ ಬಳಿ ಲಭ್ಯವಿರುವ ದಾಸ್ತಾನು ಅತ್ಯಲ್ಪವಾಗಿದ್ದು ಕಳೆದ ವರ್ಷಕ್ಕೆ ಹೋಲಿಸಿದರೆ ಕ್ಷಿಪಣಿಗಳ ಕೊರತೆ ತೀವ್ರವಾಗಿದೆ ಎಂದು ಅವರು ತಿಳಿಸಿದ್ದಾರೆ.