മഹാരാഷ്ട്ര: ചകാൻ വ്യാവസായിക മേഖലയ്ക്ക് പാനൽ

മഹാരാഷ്ട്ര സർക്കാർ പുണെ ജില്ലയിലെ ചകാൻ വ്യാവസായിക മേഖലയിലും പരിസര പ്രദേശങ്ങളിലുമുള്ള അടിസ്ഥാന സൗകര്യ പ്രശ്നങ്ങൾ പരിഹരിക്കാൻ 14 അംഗ ഉന്നതതല സമിതി രൂപീകരിച്ചു. മേഖലയിൽ വർധിച്ചുവരുന്ന ട്രാഫിക്കും വ്യാവസായിക പ്രവർത്തനങ്ങളും ശ്രദ്ധയിൽപ്പെട്ട മുഖ്യമന്ത്രി ദേവേന്ദ്ര ഫഡ്നവിസിന്റെ നിർദേശത്തെത്തുടർന്നാണ് തീരുമാനം.

പുണെ കളക്ടറുടെ അധ്യക്ഷതയിലും പിമ്പ്രി-ചിഞ്ച്വാഡ് പൊലീസ് കമ്മിഷണറുടെ സഹ അധ്യക്ഷതയിലുമുള്ള സമിതി റോഡ്, ട്രാഫിക് സംവിധാനങ്ങൾ മെച്ചപ്പെടുത്തുന്നതിൽ ശ്രദ്ധ കേന്ദ്രീകരിക്കും. മേഖലയിൽ സ്ഥാപിതമാകുന്ന പുതിയ വ്യവസായങ്ങൾക്കും ഗ്ലോബൽ കപ്പാസിറ്റി സെന്ററുകൾക്കും (ജിസിസി) വേണ്ടിയുള്ള തീർപ്പുകളും അനുമതികളും ഇത് പരിഗണിക്കും.

ജില്ലാ കളക്ടറുടെ നേതൃത്വത്തിലുള്ള പരാതി പരിഹാര സംവിധാനവും ഏകോപിത ആസൂത്രണവും അടിസ്ഥാന സൗകര്യവുമായി ബന്ധപ്പെട്ട പ്രശ്നങ്ങളുടെ വേഗത്തിലുള്ള പരിഹാരവും ഉറപ്പാക്കും. വ്യവസായങ്ങളെ ബാധിക്കുന്ന ഭരണപരമായ പരാതികൾ സമയബന്ധിതമായി പരിഹരിക്കാനാണ് പാനൽ ലക്ഷ്യമിടുന്നത്.