எஸ்எஃப்ஐ ஆர்வலர்கள் நால்வர் கேரள காவலால் கைது

எஸ்எஸ்யுஎஸ் (சிறீ சங்கராச்சாரியா சமஸ்கிருத பல்கலைக்கழகம்) வளாகத்தில் நடைபெற்ற எதிர்ப்பு ஆர்ப்பாட்டத்தின் போது துணைவேந்தர் சிசா தாமஸின் குறியீட்டு இறுதிச்சடங்கு நடத்தப்பட்டதாகக் கூறப்படும் சம்பவம் தொடர்பாக எஸ்எஃப்ஐ ஆர்வலர்கள் நால்வரை களடி காவல்துறையினர் கைது செய்துள்ளனர். கைது செய்யப்பட்டவர்கள்: மெபின் ஜோஸ் (24), பேசில் ஸ்கரியா (29), விஜீஷ் (23), யதுகிருஷ்ணன் (19).

இந்த கைதுகள் இரண்டு தனித்தனி வழக்குகளில் பதிவு செய்யப்பட்டுள்ளன. முதல் வழக்கு, ஆகஸ்ட் 13 அன்று வளாகத்தில் பணியிலிருந்த காவலர் ஒருவரின் புகாரின் பேரில் பதிவு செய்யப்பட்டது. இதில், ஆர்வலர்கள் துணைவேந்தரை தாக்கி அவதூறு பேசியதாகவும், அவரது காரை சேதப்படுத்தியதாகவும் குற்றம் சாட்டப்பட்டுள்ளது. இரண்டாவது எஃப்ஐஆர், ஆகஸ்ட் 16 அன்று திருமதி தாமஸின் புகாரின் பேரில் பதிவு செய்யப்பட்டது. இதில் 18 மாணவர்கள் மற்றும் அடையாளம் காணப்பட்ட பிற எஸ்எஃப்ஐ உறுப்பினர்கள் மீது வழக்குப் பதிவு செய்யப்பட்டுள்ளது. மேலும், ஆர்வலர்கள் காவல்துறையினருக்கு இடையூறு விளைவித்ததாகவும், அவர்களை கலைக்க காவல்துறை லேசான பலம் பயன்படுத்தியபோது காவலர்களை தாக்கியதாகவும் இரண்டாவது வழக்கில் குற்றம் சாட்டப்பட்டுள்ளது.