അസം-അരുണാചൽ അതിർത്തിയിൽ സംഘർഷം: സമാധാനത്തിന് ആഹ്വാനം ചെയ്ത് മുഖ്യമന്ത്രിമാർ

അസം-അരുണാചൽ അതിർത്തിയിലെ ധേമാജി ജില്ലയിൽ വീണ്ടും സംഘർഷം പൊട്ടിപ്പുറപ്പെട്ടു. തകം മിസിങ് പോറിൻ കെബാങ് നടത്തിയ അനിശ്ചിതകാല സാമ്പത്തിക ഉപരോധത്തിന്റെ രണ്ടാം ദിവസമാണ് പ്രതിഷേധക്കാർ തമ്മിൽ ഏറ്റുമുട്ടലുണ്ടായത്. സ്ഥിതിഗതികൾ നിയന്ത്രിക്കാൻ പോലീസ് ആകാശത്തേക്ക് വെടിയുതിർത്തു. അതിർത്തി തർക്കം രൂക്ഷമായതോടെ സമാധാനം പാലിക്കാൻ ഇരു സംസ്ഥാനങ്ങളിലെയും മുഖ്യമന്ത്രിമാർ ജനങ്ങളോട് അഭ്യർത്ഥിച്ചു. പ്രദേശത്ത് കനത്ത സുരക്ഷ ഏർപ്പെടുത്തിയിട്ടുണ്ട്.