ഹനൂരില് മൂന്ന് പേര് കൊല്ലപ്പെട്ട സംഭവത്തില് മജിസ്റ്റീരിയല് അന്വേഷണം ഉത്തരവിട്ടു

കാവേരി വന്യജീവി സങ്കേതത്തില് മൂന്ന് വേട്ടക്കാര് എന്ന് ആരോപിക്കപ്പെടുന്നവരെ വെടിവെച്ച് കൊലപ്പെടുത്തിയ സംഭവത്തില് ചാമരാജനഗര് ജില്ലാ ഭരണകൂടം മജിസ്റ്റീരിയല് അന്വേഷണത്തിന് ഉത്തരവിട്ടു. ഡെപ്യൂട്ടി കമ്മീഷണര് ശില്പ നാഗ് കൊള്ളേഗല് അസിസ്റ്റന്റ് കമ്മീഷണര് ദിനേശ് കുമാര് മീണയെ അന്വേഷണ ഉദ്യോഗസ്ഥനായി നിയമിച്ചു. ഏഴ് ദിവസത്തിനകം റിപ്പോര്ട്ട് സമര്പ്പിക്കണം.

ശനിയാഴ്ച ഹനൂര് വന്യജീവി റേഞ്ചില് നടന്ന ഏറ്റുമുട്ടലില് ആന്റണി സ്വാമി, കുമാര്, പീറ്റര് എന്നീ മൂന്ന് പേരാണ് കൊല്ലപ്പെട്ടത്. ഗ്രാമവാസികളും ബന്ധുക്കളും പ്രതിഷേധിച്ചു. കുറ്റക്കാരെ ശിക്ഷിക്കണമെന്നും നഷ്ടപരിഹാരം നല്കണമെന്നും ആവശ്യപ്പെട്ടു. ഹനൂര് എംഎല്എ എം ആര് മഞ്ജുനാഥ് ഓരോ കുടുംബത്തിനും സര്ക്കാര് നഷ്ടപരിഹാരമായി അഞ്ച് ലക്ഷം രൂപയും സ്വന്തം ഫണ്ടില് നിന്ന് പത്ത് ലക്ഷം രൂപയും നല്കുമെന്ന് ഉറപ്പ് നല്കിയതിനെ തുടര്ന്ന് അവര് താത്കാലികമായി പ്രതിഷേധം പിന്വലിച്ചു.

ഡെക്കാന് ഹെറാള്ഡിന്റെ റിപ്പോര്ട്ട് അനുസരിച്ച്, അധിക നഷ്ടപരിഹാരത്തെക്കുറിച്ചും സര്ക്കാര് ജോലിയെക്കുറിച്ചും മുഖ്യമന്ത്രി ഡി കെ ശിവകുമാറുമായി ചര്ച്ച ചെയ്യുമെന്നും മഞ്ജുനാഥ് പറഞ്ഞു. ആവശ്യങ്ങള് അംഗീകരിക്കുന്നതുവരെ മൃതദേഹങ്ങള് സ്വീകരിക്കില്ലെന്ന് പ്രതിഷേധക്കാര് നേരത്തെ പറഞ്ഞിരുന്നു. വനം വകുപ്പ് ഓഫീസുകളില് സുരക്ഷ വര്ധിപ്പിച്ചു.