‘పాకిస్తాన్ వెళ్లండి’ అన్న కేరళ స్కూల్ యజమాని వ్యాఖ్యలపై విమర్శలు

త్రిసూర్ జిల్లాలోని మాలాలో ఉన్న డాక్టర్ రాజు డేవిస్ ఇంటర్నేషనల్ స్కూల్ యజమాని డాక్టర్ రాజు డేవిస్ స్వాతంత్ర్య దినోత్సవ వేడుకలకు హాజరుకాని విద్యార్థులను “పాకిస్తాన్ వెళ్లండి” అని అనడంతో విమర్శలు వెల్లువెత్తాయి. ఇంకా వారిని తరగతి గదుల్లోకి అనుమతించమని బెదిరించారు. ఈ సందేశం తల్లిదండ్రుల వాట్సాప్ గ్రూపులో పోస్ట్ చేయబడింది. గతంలో ఈ వేడుకలకు హాజరు కావడం తప్పనిసరి చేసిన విషయం తెలిసిందే.

వ్యాపక విమర్శల నేపథ్యంలో, డేవిస్ రెండవ సందేశంలో తన వ్యాఖ్యను సమర్థించుకుంటూ, పాకిస్తాన్ను శత్రు దేశంగా ఉద్దేశించానని, అరబ్ దేశాలు లేదా బంగ్లాదేశ్ ను ఉద్దేశించలేదని అన్నారు. ఇంకా “నా దేశభక్తి గురించి లేదా లౌకికవాదం గురించి ఎవరూ నాకు ఉపన్యాసాలు ఇవ్వాల్సిన అవసరం లేదు” అని జోడించారు.

సెలవు దినమైన స్వాతంత్ర్య దినోత్సవం రోజు స్కూలుకు రాలేకపోయినందుకు విద్యార్థులను దేశ వ్యతిరేకులుగా ముద్ర వేయడాన్ని తల్లిదండ్రులు ఖండించారు. మాతృభూమి నివేదిక ప్రకారం, ఈ సంఘటన స్కూలు యజమాని ప్రవర్తనపై వివాదాన్ని మరింత లోతుగా చేసింది.