తెలుగు కుటుంబం అమెరికా వీడుతుంటే పొరుగింటి అమ్మాయి ఏడుపు వైరల్

అమెరికా నుంచి ఓ తెలుగు కుటుంబం బయలుదేరి వెళ్లిపోతుండగా.. ఆ కుటుంబాన్ని చూసి పొరుగింటి అమెరికన్ మహిళ కన్నీరుమున్నీరుగా విలపించిన వీడియో సోషల్ మీడియాలో వైరల్ అయింది. ఈ వీడియోను విజయ్ కొక్కరగడ్డ ఇన్‌స్టాగ్రామ్‌లో షేర్ చేశారు. అమెరికాలోని తన ఇంటి వద్ద పొరుగింటి మహిళ తనను గట్టిగా ఆలింగనం చేసుకుని ఏడ్చిన దృశ్యం ఇందులో ఉంది. విజయ్ నవ్వుతూ ఆమెను ఓదార్చడానికి ప్రయత్నించినా ఆ సన్నివేశం భావోద్వేగంగా మారింది.

విజయ్ ప్రకారం, తాను డెట్రాయిట్ ఎయిర్‌పోర్ట్‌కు బయలుదేరే ముందు తన స్నేహితుడు తనకు తెలియకుండానే ఈ వీడియో తీశాడు. ఈ వీడియో తనకు తర్వాత అందింది. ఇది నిజమైన అనురాగాన్ని, తమ కుటుంబాల మధ్య ఉన్న సన్నిహిత బంధాన్ని ప్రతిబింబించడంతో తాను సంతోషించానని విజయ్ చెప్పారు. వేర్వేరు సంస్కృతులకు చెందిన పొరుగువారి మధ్య ఏర్పడే భావోద్వేగ బంధాన్ని చూసి నెటిజన్లు స్పందించారు.