ഗൂഗിളിന്റെ എഐ സംഗ്രഹങ്ങൾക്കെതിരെ നടപടി ആവശ്യപ്പെട്ട് ഫ്രഞ്ച് മാധ്യമങ്ങൾ

തങ്ങളുടെ ഉള്ളടക്കം പ്രതിഫലമില്ലാതെ എഐ സംഗ്രഹങ്ങൾക്കായി ഉപയോഗിക്കുന്നതിനെതിരെ ഫ്രഞ്ച് മാധ്യമങ്ങൾ പരാതി നൽകി. എപിഐജി (APIG) എന്ന സംഘടനയാണ് ഫ്രാൻസിലെ മത്സരവിപണി നിയന്ത്രണ അതോറിറ്റിയെ സമീപിച്ചത്. ഗൂഗിളിന്റെ പുതിയ എഐ ഓവർവ്യൂ സംവിധാനം തങ്ങളുടെ വരുമാനത്തെയും നിലനിൽപ്പിനെയും ബാധിക്കുമെന്നാണ് മാധ്യമസ്ഥാപനങ്ങളുടെ വാദം. കൃത്യമായ അനുമതിയില്ലാതെ വാർത്തകൾ ഉപയോഗിക്കുന്നത് പകർപ്പവകാശ ലംഘനമാണെന്ന് ഇവർ ആരോപിക്കുന്നു.