हैदराबादच्या फर्मने दोनशे वर्षे जुन्या बर्मा सागातून घडवले गरुड वाहन

तेलंगणातील शामशाबाद येथील अम्मापल्ली श्री सीता रामचंद्र स्वामी मंदिरासाठी म्यानमारच्या कुशल कारागिरांनी दोन कोरीव गरुड वाहने तयार केली आहेत, असे तेलंगणा टुडेने आपल्या वृत्तात म्हटले आहे. ४०० किलो वजनाची ही वाहने दोनशे वर्षे जुन्या म्यानमारच्या सागाच्या लाकडापासून बनवण्यात आली असून, हे लाकूड बोवेनपल्ली येथील अनुराधा टिंबर इंटरनॅशनलने उपलब्ध करून दिले होते.

अनुराधा टिंबर्सचे मॅनेजिंग पार्टनर चदलवाडा शरत बाबू यांनी सांगितले की, या प्रकल्पासाठी फर्मने दोन वर्षे संशोधन केले. एका टीमने तामिळनाडू आणि कर्नाटक येथील मंदिरे तसेच दिल्लीतील राष्ट्रीय संग्रहालयाला भेट दिली. गरुडाच्या प्रतिमाशास्त्राचा अभ्यास करून चेहरा, मुकुट, पंख, साप आणि इतर तपशीलांसह १० पानांचा डिझाइन दस्तऐवज तयार केला. प्रत्यक्ष कोरीव कामासाठी दीड वर्ष लागला.

डिसेंबरमध्ये होणाऱ्या मंदिराच्या गरुडोत्सवासाठी या वाहनांचा वापर केला जाईल. अनुराधा टिंबर इंटरनॅशनलने याआधी अयोध्या राम मंदिरासाठी सागाच्या लाकडाचे दरवाजे तयार केले होते.