ముంబై నేవీ నగర్లో నావికుడు, భార్య, ఇద్దరు పిల్లలు మృతి

ముంబై దక్షిణ ప్రాంతంలోని నేవీ నగర్ లోని నివాసంలో శనివారం రాత్రి ఇండియన్ నేవీ నావికుడు, అతని భార్య, వారి ఇద్దరు చిన్నారులు మృతి చెందారు. నావికుడు ఉరివేసుకుని మృతి చెందగా, అతని భార్య, రెండు నెలలు, మూడేళ్ల వయసు గల పిల్లలు విషం తీసుకుని మృతి చెంది ఉండవచ్చని కఫ్ పరేడ్ పోలీసులు తెలిపారు.

మృతదేహాలను పోస్టుమార్టం నిమిత్తం పంపించారు. ఇండియన్ నేవీ ఒక ప్రకటనలో మృతులను ధృవీకరించింది. పోలీసుల విచారణకు అన్ని విధాల సహాయం అందిస్తామని తెలిపింది. ఈ కేసులో అన్ని కోణాల నుంచి విచారణ జరుపుతున్నట్లు అధికారులు వెల్లడించారు.