૧૦ લાખ કરોડ રૂપિયાના લોન રાઈટ-ઓફ: કેન્દ્રીય મંત્રીનો ખુલાસો

કેન્દ્રીય નાણાં રાજ્ય મંત્રી પંકજ ચૌધરીએ સંસદમાં લેખિત જવાબમાં છેલ્લા બાર વર્ષો (એનડીએ સરકાર દરમિયાન)માં લગભગ ૯,૯૫,૦૦૦ કરોડ રૂપિયાના લોન રાઈટ-ઓફ કરાયાની માહિતી આપી હતી. સૌથી વધુ રકમ ૨૦૧૮-૧૯માં ૧,૪૮,૭૫૩ કરોડ રૂપિયા રાઈટ-ઓફ થયા હતા, જ્યારે ૨૦૨૫-૨૬ સુધીમાં નોન-પર્ફોર્મિંગ એસેટ્સ ૬૩,૧૯,૦૫૭ કરોડથી વધીને ૬૯,૨૧,૭૩૪ કરોડ રૂપિયા થઈ ગઈ છે.

વિપક્ષોએ આકરો વાંકો કાઢતા કહ્યું કે ગરીબો અને સામાન્ય લોકોના લોનનો કડકાઈથી વસૂલાત કરવામાં આવે છે, જ્યારે કોર્પોરેટ મોગલોના લોનને રાઈટ-ઓફના નામે રદ કરવામાં આવે છે. મંત્રી પંકજ ચૌધરીએ સ્પષ્ટતા કરી કે આ ખાતાકીય ગોઠવણ માત્ર છે, કાયમી માફી નથી. તેમણે કહ્યું કે આ પ્રક્રિયા ભારતીય રિઝર્વ બેંક દ્વારા ૨૦૨૫માં જારી કરાયેલા રિઝોલ્યુશન ઓફ સ્ટ્રેસ્ડ એસેટ્સ ડાયરેક્ટિવ્સ અનુસાર અમલમાં મૂકવામાં આવી રહી છે.

રાઈટ-ઓફ બાદ કોર્પોરેટ્સ પાસેથી વસૂલાત કેવી રીતે કરવી એ પ્રશ્ને વિપક્ષો ગુસ્સે છે. તેઓ સવાલ કરી રહ્યા છે કે ગરીબો અને ખેડૂતોને આવી લોન રાહત કેમ નથી આપવામાં આવતી? સ્થાનિક સંસ્થાની ચૂંટણીઓ બાદ સંસદમાં આ મુદ્દે વધુ ચર્ચા થવાની શક્યતા છે.