അസം മുഖ്യമന്ത്രിക്ക് ഫേസ്ബുക്കിലൂടെ വധഭീഷണി; നാല് പേർ അറസ്റ്റിൽ

അസം മുഖ്യമന്ത്രി ഹിമന്ത ബിശ്വ ശർമ്മയുടെ സ്വാതന്ത്ര്യദിന പ്രസംഗത്തിനിടെ ഫേസ്ബുക്കിലൂടെ വധഭീഷണി മുഴക്കിയ സംഭവത്തിൽ തയ്യൽക്കാരൻ ഉൾപ്പെടെ നാല് പേരെ മൊറീഗോണിൽ പോലീസ് അറസ്റ്റ് ചെയ്തു. അബ്ദുൾ മുത്തലിബിന്റെ പേരിലുള്ള അക്കൗണ്ടിൽ നിന്നാണ് മുഖ്യമന്ത്രിയെ ഒരു കോടി രൂപയ്ക്ക് കൊലപ്പെടുത്തുമെന്ന് ഭീഷണി സന്ദേശം എത്തിയത്.

താനല്ല ഈ സന്ദേശം അയച്ചതെന്നും തന്റെ പേരും ഫോട്ടോയും ഉപയോഗിച്ച് ആരോ വ്യാജ അക്കൗണ്ട് നിർമ്മിച്ചതാണെന്നുമാണ് മുത്തലിബ് പോലീസിനോട് പറഞ്ഞത്. ഇതിന് പിന്നിൽ പ്രവർത്തിച്ചവരെ കണ്ടെത്തണമെന്നും അദ്ദേഹം ആവശ്യപ്പെട്ടു. സംഭവത്തിൽ ഇദ്ദേഹത്തിന്റെ പിതാവ് അബ്ദുൾ ഖാലിക്, സഹോദരൻ അബു താലിബ്, റാഷിദുൽ ഇസ്ലാം എന്ന യുവാവ് എന്നിവരെയും ചോദ്യം ചെയ്യാനായി കസ്റ്റഡിയിലെടുത്തു.