ಅಸ್ಸಾಂ ಮುಖ್ಯಮಂತ್ರಿ ಶರ್ಮಾಗೆ ಫೇಸ್ಬುಕ್ ಮರಣ ಬೆದರಿಕೆ: ನಾಲ್ವರು ಬಂಧಿತ

ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರ ಸ್ವಾತಂತ್ರ್ಯ ದಿನೋತ್ಸವ ಭಾಷಣದ ವೇಳೆ ಫೇಸ್ಬುಕ್ನಲ್ಲಿ ಮರಣ ಬೆದರಿಕೆ ಹಾಕಿದ ಪ್ರಕರಣದಲ್ಲಿ ನಾಲ್ವರನ್ನು ಮೋರಿಗಾಂವ್ನಲ್ಲಿ ಬಂಧಿಸಲಾಗಿದೆ. ಟೈಲರ್ ಅಬ್ದುಲ್ ಮುತಾಲೆಬ್ ಎಂಬುವರ ಫೇಸ್ಬುಕ್ ಖಾತೆಯನ್ನು ಬಳಸಿ ಈ ಬೆದರಿಕೆ ಹಾಕಲಾಗಿತ್ತು ಎಂದು ಆರೋಪಿಸಲಾಗಿದೆ.

ಮುತಾಲೆಬ್ ಬೆದರಿಕೆ ಹಾಕಿರುವುದನ್ನು ನಿರಾಕರಿಸಿದ್ದಾರೆ. ತಮ್ಮ ಹೆಸರು ಮತ್ತು ಫೋಟೋ ಬಳಸಿ ನಕಲಿ ಖಾತೆಯನ್ನು ತೆರೆದು ಬೆದರಿಕೆ ಹಾಕಲಾಗಿದೆ ಎಂದು ಅವರು ಹೇಳಿದ್ದಾರೆ. ‘ನಿಜವಾಗಿ ಈ ಕೃತ್ಯ ಮಾಡಿದ ವ್ಯಕ್ತಿಯನ್ನು ತನಿಖೆ ಮಾಡಿ ಬಂಧಿಸಬೇಕು’ ಎಂದು ಅವರು ಪೊಲೀಸರಿಗೆ ತಿಳಿಸಿದ್ದಾರೆ. ಅವರ ತಂದೆ ಅಬ್ದುಲ್ ಖಾಲೆಕ್, ಸಹೋದರ ಅಬು ತಾಲೇಬ್ ಮತ್ತು ಮತ್ತೊಬ್ಬ ಯುವಕ ರಶೀದುಲ್ ಇಸ್ಲಾಂ ಅವರನ್ನು ವಿಚಾರಣೆಗಾಗಿ ವಶಕ್ಕೆ ತೆಗೆದುಕೊಳ್ಳಲಾಗಿದೆ.