ભારત-જર્મની સબમરીન કરાર ખૂબ જ ટૂંક સમયમાં થવાની સંભાવના

ભારત અને જર્મની વચ્ચે છ નવીનતમ પેઢીની સબમરીનો માટેનો કરાર ‘ખૂબ જ ટૂંક સમયમાં’ થવાની શક્યતા છે, એવું ગુરુવારે ભારતમાં જર્મનીના રાજદૂત ફિલિપ એકરમેને જણાવ્યું હતું. આશરે €8 બિલિયન (રૂ. 90,000 કરોડથી વધુ) ના પ્રોજેક્ટ-75I કરારમાં જર્મનીની થાઈસેનક્રુપ મરીન સિસ્ટમ્સ (TKMS) અને ભારતની સરકારી માઝગાંવ ડોક શિપબિલ્ડર્સ સામેલ છે. ‘સબમરીન કરાર અંગે હું ખૂબ આશાવાદી અને વિશ્વાસ ધરાવું છું કે તે ખૂબ જ ટૂંક સમયમાં, કદાચ આવતા મહિને સહી થશે,’ અકરમેને ઇન્ડો-જર્મન ચેમ્બર ઓફ કોમર્સના કાર્યક્રમ દરમિયાન પત્રકારોને જણાવ્યું હતું.

ભારતીય નૌસેના માટે બનાવાતી આ સબમરીન ભારતમાં માઝગાંવ ડોક ખાતે બનાવવામાં આવશે. બંને પક્ષો કોન્ટ્રાક્ટને અંતિમ સ્વરૂપ આપી રહ્યા છે, જે ભારતના પ્રોજેક્ટ-75I સબમરીન કાર્યક્રમનો હિસ્સો છે. અકરમેને વિશ્વાસ વ્યક્ત કર્યો કે સહી અઠવાડિયાઓમાં થઈ જશે.