കൊമൾ റാണിയുമായുള്ള ബന്ധം: ഗോവിന്ദയെ ‘ഷുഗർ ഡാഡി’ എന്ന് വിളിച്ച് സുനിത അഹൂജ

ബോളിവുഡ് നടൻ ഗോവിന്ദയുടെ ഭാര്യ സുനിത അഹൂജ അദ്ദേഹത്തെയും നടി കൊമൾ റാണി സ്വർണകറിനെയും പരസ്യമായി കടന്നാക്രമിച്ചു. ഗോവിന്ദയെ കൊമളിന്റെ ‘ഷുഗർ ഡാഡി’ എന്ന് വിളിച്ച സുനിത നടിയുടെ വസ്ത്രധാരണത്തെയും പരിഹസിച്ചു. പാപ്പരാസികളോട് സംസാരിക്കവെ 62 കാരനായ നടൻ തന്റെ മകളുടെ പ്രായമുള്ള സ്ത്രീക്കൊപ്പമുള്ള യാത്രയിൽ ലജ്ജിക്കണമെന്നും അദ്ദേഹം മാനസികനില തെറ്റിയ അവസ്ഥയിലാണെന്നും സുനിത പറഞ്ഞു. പൂർത്തിയാകാത്ത ‘രൂപ’ എന്ന ചിത്രത്തിന്റെ പ്രമോഷനായി ഇവർ എന്തിനാണ് കറങ്ങുന്നതെന്നും അവർ ചോദിച്ചു.

‘രൂപ’ എന്ന സിനിമയുടെ പ്രചാരണത്തിനായി ഗോവിന്ദയെയും കൊമളിനെയും പലതവണ ഒന്നിച്ചുകണ്ടതോടെയാണ് നേരത്തെ സുനിത ഉന്നയിച്ച ആരോപണങ്ങൾ വീണ്ടും ഉയർന്നത്. കൊമൾ ഒരു ഷുഗർ ഡാഡിയെ തേടുകയാണെന്നും ഗോവിന്ദയെ ബ്ലാക്ക് മെയിൽ ചെയ്യുന്നുവെന്നും സുനിത നേരത്തെ ആരോപിച്ചിരുന്നു. വിഷയത്തിൽ മൗനം പാലിച്ചതിന് കൊമളിനെ ഗോവിന്ദ മുമ്പ് പ്രശംസിച്ചിരുന്നു. വിമാനത്താവളത്തിൽ ഇവരെ ഒന്നിച്ചുകണ്ടതിന് പിന്നാലെ വിനാശകാലേ വിപരീത ബുദ്ധി എന്ന പരാമർശത്തിന് ശേഷം സുനിത നടത്തുന്ന ഏറ്റവും രൂക്ഷമായ പ്രതികരണമാണിത്.