வாரணாசி விமான நிலையத்தில் துப்பாக்கிச்சூடு; இரண்டு ஊழியர்கள் காயம்

வாரணாசி லால் பகதூர் சாஸ்திரி விமான நிலையத்தில் ஏர் இந்தியா விமானத்தில் மும்பை சென்று கொண்டிருந்த பயணியின் பிஸ்டலில் இருந்து திடீரென துப்பாக்கிச்சூடு நடந்தது. ஆசம்கர் பகுதியைச் சேர்ந்த இந்த பயணி பாதுகாப்பு நடைமுறையின்படி பிஸ்டல் மற்றும் மெகசீனை முன்பே அறிவித்திருந்தார். ஆயுதம் மற்றும் ஆவணங்களை பரிசோதனை செய்தபோது திடீரென துப்பாக்கிச்சூடு நடந்ததில் தரையில் மோதி அருகில் நின்ற ஒரு இளைஞனின் கையிலும் ஒரு பெண் ஊழியரின் தொடையிலும் குண்டு பாய்ந்தது.

விமான நிலைய இயக்குனர் புனீத் குப்தா கூறுகையில், “ஆயுதம் மற்றும் ஆவணங்களை ஆய்வு செய்து கொண்டிருந்தபோது திடீரென விபத்து நேர்ந்தது. துப்பாக்கிச்சூட்டில் காயமடைந்த இரண்டு ஊழியர்களும் ஹர்ஹுவா பகுதியில் உள்ள தனியார் மருத்துவமனையில் அனுமதிக்கப்பட்டுள்ளனர். அவர்களின் நிலை சீராக உள்ளது. சிகிச்சை நடந்து வருகிறது” என்றார்.